Забудоўшчыкаў абавязуюць інфармаваць аб кошце жылля на працягу 25 дзён пасля здачы дома
Заказчык (забудоўшчык) будзе абавязаны перадаць грамадзяніну канчатковы разлік кошту жылога памяшкання на працягу 25 каляндарных дзён пасля прыёмкі жылога дома ў эксплуатацыю. Гэта прадугледжана пастановай Савета міністраў № 1079 ад 22 снежня, паведаміла ў панядзелак прэс-служба ўрада.
Дакумент вызначае парадак забеспячэння ўмоў для засялення ў шматкватэрныя новабудоўлі ў месячны тэрмін з дня зацвярджэння акта прыёмкі дома. У прыватнасці, заказчык (забудоўшчык) за 45 каляндарных дзён да прыёмкі дома ў эксплуатацыю павінен будзе заключыць з тэрытарыяльнай арганізацыяй па дзяржрэгістрацыі дагавор на выкананне работ па тэхнічнай інвентарызацыі дома.
Арганізацыя забудоўшчыкаў, таварыства ўласнікаў або зацікаўленая асоба павінна будзе падаваць заяву ў мясцовы выканаўчы і распарадчы орган аб выдзяленні зямельнага ўчастка для ўтрымання і абслугоўвання дома на працягу двух працоўных дзён пасля атрымання тэхпашпарта.
Электрагазавыкарыстальныя ўстаноўкі і цеплаўстаноўкі ўведзенага ў эксплуатацыю дома павінны будуць падключацца да размеркавальных сетак у дзесяцідзённы тэрмін.
Пастанова набыла моц 27 снежня, за выключэннем падпункта, які тычыцца пытанняў у галіне электразабеспячэння і набывае моц 1 лютага 2016 год
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары