На міжрэгіянальным форуме АНФ у Стаўрапалі Уладзімір Пуцін нечакана зноў памянуў сваіх папярэднікаў, што кіравалі дзяржавай. Пачалося ўсё з пытання пра рамонт каледжа ў Інгушэціі. Пуцін узяў пытанне рамонту каледжа на заметку.
«Калі вам паабяцалі, і вы ўжо лічыце, што пытанне ссунулася, то аптымізму вам не займаць, гэта дакладна, — звярнуўся ён да адной з удзельніц форуму. — Але я не магу сказаць, што мяне гэта радуе, як гэта вырашылі. Мае калегі у зале сядзяць, я прашу ўзяць іх гэта на заметачку і мне нагадаць у Маскве».
Уладзімір Пуцін нагадаў пра некаторыя абяцанні чыноўнікаў. «У свой час Мікіта Хрушчоў абяцаў камунізм праз дваццаць гадоў», — канстатаваў ён.
Мікіта Хрушчоў — другі савецкі дзеяч, якога Пуцін раскрытыкаваў за студзень 2016 года. Першым быў заснавальнік савецкай дзяржавы Уладзімір Ленін. Па словах Пуціна, Ленін «падклаў атамную бомбу» пад будынак Расіі, якая пазней і прывяла да распаду Савецкага Саюза.
Памятаючы пра гэта, Пуціна ў Стаўрапалі спыталі пра вынас цела Леніна з Маўзалею і яго перапахаванне.
«Што тычыцца перапахавання і іншых пытанняў падобнага роду, вы ведаеце, мне здаецца, да гэтага трэба падыходзіць акуратна, каб не прадпрымаць ніякіх крокаў, якія падзялялі б наша грамадства. Трэба наадварот яго гуртаваць. Вось гэта — самае галоўнае», — адказаў на гэтае пытанне Уладзімір Пуцін на першым міжрэгіянальным форуме АНФ.
Каментары