Крымінальная справа заведзена ў Беларусі на яшчэ аднаго падазраванага ва ўдзеле ў фарміраваннях ДНР
Супраць былога жыхара Салігорска Ігара Шчукі заведзеная крымінальная справа за ўдзел у баявых дзеяннях на тэрыторыі іншай дзяржавы. 23 лютага па месцы яго прапіскі ў Салігорску прайшоў ператрус, піша ён на сваёй старонцы Укантакце.
«Нічога не сканфіскавалі, але мама ў паніцы», — адзначае ён.
Крымінальны кодэкс Беларусі прадугледжвае па артыкуле «найміцтва» пакаранне ад трох да сямі гадоў пазбаўлення волі.
Сам Шчука сцвярджае, што непасрэднага ўдзелу ў баявых дзеяннях ён не браў, а займаўся валанцёрскай дзейнасцю. На яго старонках у сацсетках няма фота са зброяй у баявой абстаноўцы.
У той жа час Шчука браў актыўны ўдзел у вулічнай масоўцы падчас захопу Крыма і Усходняга Данбаса.
Паводле звестак МУС Беларусі, усяго ў баявых дзеяннях на ўсходзе Украіны загінула 8 беларусаў.
Публічна паведамлялася пра 4 выпадкі. За Украіну загінуў берасцеец Алесь Чаркашын, яшчэ трое беларусаў загінулі, ваюючы на баку баевікоў. Хто астатнія 4 чалавекі, не агучвалася. Можна меркаваць, што гэта таксама баевікі ДНР і ЛНР.
Усяго праваахоўныя структуры Беларусі выявілі некалькі дзясяткаў падазраваных ва ўдзеле ў баявых дзеяннях ва Украіне. Так, ураджэнец Мастоўскага раёна з пазыўным Мантана пасля вяртання ў Беларусь хваліўся аднавяскоўцам, што ўласнаручна забіў 20 украінцаў! Раней за свае 22 гады беларус меў аж 5 судзімасцяў за крадзяжы. На радзіме Мантана вербаваў у ЛНР аднакласніка, якому абяцаў штомесячны заробак у памеры 300 даляраў, а таксама магчымасць займацца марадзёрствам і забіраць рэчы загінулых.
Яшчэ адзін баявік ЛНР — 38-гадовы ўраджэнец Ваўкавыска з пазыўным Гарыныч. Ён мае пяць судзімасцяў, у тым ліку за забойства. Гэты чалавек, хутчэй за ўсё, наркаман.
«Цяпер наша мэта абясшкодзіць, заклікаць да адказу баевікоў, якія вяртаюцца з Украіны. Яны не павінны ўжыць свае навыкі ў інтарэсах экстрэмістаў і крыміналітэту, — заявіў прадстаўнік Міністэрства ўнутраных спраў Беларусі. — Праблему нельга недаацэньваць. Бо гаворка ідзе пра бяспеку і прэстыж нашай краіны, якая заваявала трывалую рэпутацыю нейтральнай, міралюбнай дзяржавы, стабільнай пляцоўкі для перамоў па ўрэгуляванні лакальнага канфлікту. Усю гэтую грымучую сумесь з разнамасных дэструктыўных элементаў трэба паспець пагасіць», — сказаў супрацоўнік МУС.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары18
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары