Віленскі акруговы суд у пятніцу, 4 сакавіка, прызнаў былога фельчара Узброеных сіл Літвы Андрэя Ашуркова вінаватым у шпіянажы на карысць Беларусі і прысудзіў яго да трох гадоў пазбаўлення волі.
Суд прызначыў мінімальнае пакаранне, прыняўшы да ўвагі тое, што Ашуркаў раней не быў судзімы і прызнаўся ў здзяйсненні злачынства.
Генпракуратура прасіла прысудзіць Ашуркова да шасці гадоў пазбаўлення волі. Пракурор Рэдас Савіцкас сказаў, што не ведае, ці будзе абскарджаны прысуд. Адвакат асуджанага адмовіўся размаўляць з журналістамі.
Ашуркоў, які служыў у механізаваным пяхотным батальёне Вялікага князя Літоўскага Альгерда, быў затрыманы ў студзені 2014 года. Паводле паведамлення Дэпартамента дзяржбяспекі Літвы, у снежні мінулага года Галоўнае выведвальнае ўпраўленне Генеральнага штаба Міністэрства абароны Рэспублікі Беларусь завербавала Ашуркова ў Беларусі і мэтанакіравана укараніла ў ВС Літвы для выканання спецзадач.
Паводле сцвярджэння пракурораў, Ашуркоў збіраў інфармацыю, маючы зносіны непасрэдна з вайскоўцамі, назіраючы, запамінаючы і па магчымасці фатаграфуючы ці фіксуючы іншым чынам. Напрыклад, ён перарысоўваў схемы і планы, запісваў дадзеныя аб ваеннаслужачых з рэгістрацыйных кніг і часопісаў. Як сцвярджаюць у Літве, ГРУ Беларусі таксама дало Ашуркаву заданне шукаць у літоўскай арміі непатрыятычна настроеных асоб, збіраць на іх інфармацыю, шукаць іншых кандыдатаў для вярбоўкі.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары