На працу загадчыкам аддзелу сельскай гаспадаркі.
Студэнтку 5‑га курса і прэс‑сакратара Партыі БНФ Кацярыну Маркоўскую размеркавалі ў крычаўскую газэту «Ленінскі кліч» на працу загадчыкам аддзела сельскай гаспадаркі.
Апроч міністра, у склад камісіі ўвайшлі дэкан факультэту журналістыкі Сяргей Дубовік, кіраўнікі кафедраў, намеснік дэкана па вучэбнай працы Вольга Самусевіч. Выпускнікам было прапанавана самім шукаць месца працы і прыносіць запыты. Кацярына Маркоўская мела запыт на працу літаратурным рэдактарам у выдавецкім доме Таварыства беларускай мовы ў Лідзе. Але з хадайніцтва Сяргея Дубовіка яго не задаволілі.
Кацярына Маркоўская заканчвае факультэт журналістыкі па спецыяльнасці «літаратурны рэдактар», паведамілі ў Партыі БНФ. Паводле студэнткі, рашэнне камісіі па размеркаванні носіць тэндэнцыйны характар:
«Згодна палажэння аб размеркаванні выпускнікоў мяне не маюць права размяркоўваць не па спецыяльнасьці, у дадзеным выпадку загадчыкам аддзелу. Я збіраюся абскарджваць дадзенае рашэнне у вышэйшых інстанцыях, калі будзе неабходна — звяртацца ў суд».
У лютым 2008‑га з факультэта журналістыкі нібыта за акадэмічную непаспяховасьць быў адлічаны сябра Сойму Партыі БНФ Франак Вячорка. Кацярына Маркоўская перакананая, што ейнае размеркаванне — працяг кампаніі рэпрэсіяў супраць студэнтаў журфака БДУ.
«Журфак сябе дыскрэдытаваў канчаткова. Гэты факультэт пераўтварыўся ў рэпрэсіўны інструмент сістэмы адукацыі супраць іншадумства і ініцыятывы», — гаворыць студэнтка.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары