Міністэрства абароны РФ арганізоўвае чарговую, 5-ю Маскоўскую канферэнцыю па міжнароднай бяспецы аб «ролі ўзброеных сіл у супрацьдзеянні «каляровым» рэвалюцыям».
Пра гэта паведаміў міністр абароны Расіі Сяргей Шайгу. Канферэнцыя пройдзе 27-28 красавіка.
Паводле яго слоў, галоўнай тэмай стане барацьба з тэрарызмам, але таксама будуць разгледжаныя пытанні бяспекі ў Азіяцка-Ціхаакіянскім рэгіёне, глабальнай стабільнасці і ваеннага супрацоўніцтва.
«Таксама плануецца абмеркаваць блізкаўсходнія супярэчнасці, выклікі і пагрозы міжнароднай бяспекі, ролю ўзброеных сіл у супрацьдзеянні «каляровым» рэвалюцыям і шэраг іншых актуальных праблем, якія сёння турбуюць не толькі нас, але і нашых калег па ўсім свеце», — сказаў Шайгу.
«Сёлета чакаецца прадстаўнічы склад форуму. Свой удзел ужо пацвердзілі каля 500 дэлегатаў. Сярод іх — 17 міністраў абароны, 14 начальнікаў генеральных штабоў і намеснікаў міністраў абароны», — дадаў ён.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку4
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары