Амаль 104 мільёны рублёў выплаціць кампанія «Кронаспан» (Смаргонь, Гродзенская вобласць) за забруджванне вод ракі Вілія.
На вясёлкавую плёнку на паверхні вады Віліі каля аднаго з выпускных калектараў, а таксама на ўстойлівы хімічны пах лакафарбавых вырабаў звярнулі ўвагу актывісты грамадскага аб`яднання «Ахова птушак Бацькаўшчыны» (АПБ). Яны зрабілі запыт у Гродзенскі абласны камітэт прыродных рэсурсаў і аховы навакольнага асяроддзя, і праверка пацвердзіла забруджванне ракі сцёкавымі водамі, паведамляе прэс-служба АПБ.
Аналіз проб сцёкавых вод, зроблены Смаргонскай міжраённай лабараторыяй аналітычнага кантролю, паказаў перавышэння межава дапушчальных канцэнтрацый хімічных рэчываў. Першапачаткова пад падазрэнні трапіў Смаргонскі агрэгатны завод, і мясцовая інспекцыя прыродных рэсурсаў і аховы навакольнага асяроддзя распачала пазапланавую праверку прадпрыемства. Неўзабаве знайшоўся сапраўдны вінаваты таго, што адбываецца, — ЗТАА «Кронаспан», якое вырабляе драўняныя пліты.
Устаноўлена, што кампанія незаконна далучыла сваю ліўневую каналізацыю ў сістэму ліўневай каналізацыі агрэгатнага завода. Гэта пацвердзілася падчас пазапланавай праверкі «Кронаспана».
Вінаватыя прыцягнутыя да адказнасці, частку пакарання ім ужо абвясцілі. «Пакуль складзены адміністрацыйны пратакол на 103,9 мільёна рублёў — гэта пакаранне за забруджванне воднага аб`екта сцёкавымі водамі. Зараз праводзіцца разлік шкоды, нанесенай навакольнаму асяроддзю. Думаю, гэтая сума перавысіць адміністрацыйнае пакаранне ў некалькі разоў», — паведаміў спецыяліст АПБ па прыродаахоўных пытаннях Цімафей Піка.
Актывісты АПБ заклікаюць грамадзян, якія заўважылі верагоднае забруджванне вадаёмаў, аператыўна інфармаваць пра гэта мясцовыя інспекцыі Мінпрыроды і па магчымасці фіксаваць тое, што адбываецца, на фота і відэа.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары