Найбуйнейшы ў свеце круізны лайнер прычаліў у Саўтгемптане ФОТАФАКТ
У Вялікабрытанію прыбыў найбуйнейшы ў свеце акіянскі круізны лайнер «Хармоні оф зэ Сіз» (Harmony of the Seas).
361-метровае судна, разлічанае на 5 497 пасажыраў, прычаліла ў порце Саўтгемптана. Заказчык лайнера — амерыканская кампанія Royal Caribbean International.
На лайнеры, будаўніцтва якога працягвалася два з паловай гады і каштавала 783 млн фунтаў (1 млрд 132 млн даляраў), знаходзяцца 20 рэстаранаў і 23 басейны.
Вышыня гэтага 16-палубнага судна складае 70 метраў. Мораходныя выпрабаванні яно прайшло ў сакавіку, выйшаўшы ў моры з французскага порта Сен-Назэр.
22 мая «Хармоні оф зэ Сіз» адправіцца ў чатырохдзённы круіз у Ратэрдам.
26 мая судна зноў скіруецца ў кароткатэрміновы круіз у Шэрбур, а 29 мая ў Барселону, якая стане асноўнай базай лайнера.
Цяпер чытаюць
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі23
Каментары