27 чэрвеня Расія ўводзіць забарону на ўвоз праз Беларусь на сваю тэрыторыю расліннай прадукцыі з некаторых афрыканскіх краін, паведаміў Рассельгаснагляд.
Гэта робіцца ў сувязі з падазрэннем у атрыманні недакладнай аўтарызацыі (пацвярджэння сапраўднасці) фітасанітарных сертыфікатаў краін паходжання падкаранціннай прадукцыі Кот-д'Івуара, Беніна, Нігерыі, Гвінеі-Бісау, Гвінеі, Буркіна-Фасо, ЦАР, Малі, якая паступае ў Расію з Беларусі, а таксама адсутнасцю інфармацыі аб імпарце падкаранціннай прадукцыі ў краіны Еўрапейскага саюза і адсутнасцю нагляду за яе далейшым перамяшчэннем.
«З 27 чэрвеня 2016 года ў мэтах недапушчэння ўвозу на тэрыторыю Расійскай Федэрацыі сельскагаспадарчай прадукцыі, якая патрапіла пад устаноўленыя прэзідэнтам Расійскай Федэрацыі і ўрадам Расійскай Федэрацыі абмежаванні, увоз на тэрыторыю Расійскай Федэрацыі наступнай падкаранціннай прадукцыі (грушы, яблыкі, клубніцы, таматы, грыбы, кавуны свежыя, вінаград свежы, інжыр свежы, чарэшня свежая, лук-парэй, цыбуля рэпчатая, цыбуля-шалот) паходжаннем Рэспубліка Кот-д'Івуар, Рэспубліка Бенін, Федэратыўная Рэспубліка Нігерыя, Рэспубліка Гвінея-Бісау, Гвінейская Рэспубліка, Буркіна-Фасо, Цэнтральнаафрыканская Рэспубліка, Рэспубліка Малі дазволены толькі праз міжнародныя пункты пропуску, праз дзяржаўную мяжу Расійскай Федэрацыі да атрымання неабходнай інфармацыі ад вышэйзгаданых краін», — гаворыцца ў паведамленні, размешчаным на сайце Рассельгаснагляду 21 чэрвеня.
Каментары