Прэзідэнт Канарскіх астравоў адмаўляецца прымаць круізны лайнер з хантавірусам, хоць Іспанія дала згоду
Прэзідэнт Канарскіх астравоў Фернанда Клавіха выступіў з рэзкай крытыкай рашэння цэнтральнага ўрада Іспаніі.
У эфіры радыёстанцыі COPE Фернанда Клавіха заявіў, што не дапусціць судна на архіпелаг.
— Я не магу дазволіць [гэтаму судну] прыйсці на Канары. Гэтае рашэнне [урада Іспаніі] не заснавана ні на якіх тэхнічных крытэрыях, і мы атрымалі недастаткова інфармацыі, — сказаў прэзідэнт Канарскіх астравоў.
Нідэрландскі круізны лайнер MV Hondius зараз стаіць у Каба-Вердэ, адтуль ён можа дайсці да Канар за тры-чатыры дні.
На MV Hondius памерлі тры чалавекі: пара з Нідэрландаў і адзін немец, але афіцыйна наяўнасць хантавіруса пакуль пацверджана толькі ў жанчыны з Нідэрландаў.
Акрамя таго, заражэнне хантавірусам было дыягнаставана ў 69‑гадовага брытанца, эвакуяванага з лайнера ў ПАР, а ў сераду ўлады Швейцарыі паведамілі, што вірус выяўлены ў яе грамадзяніна, які таксама быў пасажырам лайнера і эвакуяваны на радзіму. Ён дастаўлены ў бальніцу ў Цюрыху.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары