У Лоеве на незалежных журналістаў склалі шэсць адміністрацыйных пратаколаў
Гомельскі журналіст-фрылансер Канстанцін Жукоўскі і яго калега Аляксей Атрошчанка атрымалі па пошце шэсць адміністрацыйных пратаколаў, складзеных у Лоеўскім РАУС, — два ў дачыненні да Атрошчанкі і чатыры ў дачыненні да Жукоўскага.
Журналістаў абвінавачваюць у непадпарадкаванні і абразе супрацоўнікаў міліцыі, а таксама ў дробным хуліганстве. Пратаколы перададзены на разгляд у суд Лоеўскага раёна. Як паведаміў Жукоўскі, усе пратаколы складзены 28 чэрвеня, у той час як позвы аб яўцы для іх складання, датаваныя 27 чэрвеня, па пошце фрылансеры атрымалі толькі 30 чэрвеня. Пра гэта журналісты ўказалі ў скаргах на імя начальніка Лоеўскага РАУС, адзначыўшы, што складанне пратаколаў пры адсутнасці саміх абвінавачваных з'яўляецца сур'ёзным парушэннем адміністрацыйнага працэсу, якое павінна пацягнуць за сабой адмену пратаколаў.
Журналістаў затрымалі 21 чэрвеня ў Лоеве, дзе яны здымалі сюжэт аб цяжкім эканамічным становішчы цаглянага завода. Фрылансераў затрымалі, даставілі ў аддзел міліцыі, апаратуру выхапілі з рук. Пры гэтым Жукоўскага павалілі на падлогу, надзелі кайданкі, станавіліся нагой на галаву.
«У іх была выдатная магчымасць рэабілітавацца — разабрацца ў тым, што адбылося. Але ўлада дзейнічае па старой схеме: свае злачынствы не прызнае і абвінавачвае невінаватых. Пратаколы цалкам сфальсіфікаваныя, у тым ліку за абразу. Я казаў у РАУС толькі аб тым, што парушальнікі закона яшчэ адкажуць за свае дзеянні, і пажадаў, каб парушальнікі закона і іх нашчадкі да пятага калена захварэлі і вымерлі, як гэта было з катамі НКВД. Гэта было сказана ў дачыненні да парушальнікаў закона ў прынцыпе, а не пра некага канкрэтна. Гэтыя словы я паўтару і на судзе», — заявіў Жукоўскі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары