Уладзімір Някляеў адсвяткаваў 70-гадовы юбілей чытаннем вершаў у скверы імя Янкі Купалы ФОТА
Нягледзячы на дождж, свята адбылося.
Паэтычныя чытанні з-за дрэннага надвор'я скончыліся хутчэй, чым планавалася.
Сустрэчу Някляеў завершыў словамі: «Ніхто і ніколі не адбярэ ў нас нашу зямлю і наша беларускае неба над галавой, над магіламі нашых продкаў».
Публіка не стала адразу разыходзіцца. Паэт прэзентаваў асобнікі сваёй новай кнігі «Толькі вершы», ахвотныя атрымалі аўтограф.
Беларускаму паэту і палітыку Уладзіміру Някляеву 9 ліпеня споўнілася 70 гадоў.
Ён нарадзіўся ў 1946 годзе ў мястэчку Крэва ў гістарычных Нальшчанах.
Унікальны сплаў тэмпераменту і моўнага чуцця нарадзіўся ў сям'і выхадца з Расіі Пракофія Някляева, механіка, накіраванага ў Заходнюю Беларусь ствараць калгас, і мясцовай беларускі Настассі Магер.
Някляеў дасягнуў вяршынь прызнання як паэт. Многія песні на ягоныя словы сталі народныя. За свой раман «Аўтамат з газіроўкай» ён атрымаў прэмію Гедройця.
У 2010 годзе паэт пайшоў у палітыку, стаў кандыдатам у прэзідэнты. У дзень выбараў яго збілі да паўсмерці, вінаватых дагэтуль ніхто не пакараў. Наадварот, самога Някляева кінулі ў турму — выпрабаванне, у выніку якога ён напісаў выдатны цыкл вершаў.
«Паэт жывы, пакуль жывы Народ. Народ жывы, пакуль Паэты жывы…» — напісаў з нагоды юбілею Някляева Сяргей Ваганаў.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары