Пад Гроднам мужчына гуляў у карты на жаданне — давялося ісці голым па вёсцы
Азартныя гульні прывялі жыхара вёскі Лосева Гродзенскага раёна да крымінальнай адказнасці. У дачыненні да мужчыны 1983 года нараджэння заведзеная крымінальная справа.
Падазраваны вырашыў прайсціся па вёсцы. Здаецца, у гэтым няма нічога крымінальнага, вось толькі гэты шпацыр ён рабіў аголеным. Мужчыну нават не збянтэжыў той факт, што па вуліцы ішлі дзеці, якія бачылі гэтую непрыстойную карціну.
Як растлумачыў першы намеснік начальніка Гродзенскага РАУС Алег Карпушкін: «Падазраваны не мае схільнасці да эксгібіцыянізму. У той дзень ён распіваў спіртное са сваёй сужыцелькай. Яны гулялі ў карты і, каб дадаць цікавасці, вырашылі згуляць на жаданне. У мужчыны гульня не пайшла, а яго сужыцелька захацела, каб той прагуляўся па вёсцы голым. Так падазраваны і зрабіў».
Ніхто з відавочцаў здарэння не звярнуўся ў праваахоўныя органы. На зламысніка ўдалося выйсці падчас расследавання іншага злачынства. Пасля праверкі інфармацыі аператыўнікі затрымалі грамадзяніна.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе19
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары