Міністэрства адукацыі Турцыі абвясціла пра адхіленне ад працы 15200 работнікаў сістэмы адукацыі праз іх магчымае дачыненне да спробы дзяржаўнага перавароту.
Упраўленне па вышэйшай адукацыі Турцыі таксама запатрабавала звольніць усіх 1577 дэканаў турэцкіх універсітэтаў.
Акрамя таго, прадстаўнік міністэрства адукацыі расказаў Рэйтэр пра ануляванне ліцэнзій 21 тысячы настаўнікаў, якія працуюць у прыватных навучальных установах.
У дачыненні да адхіленых работнікаў пачалі расследаванне па ўстанаўленні іх магчымай сувязі з прыхільнікамі прапаведніка Фетхулаха Гюлена, якога Анкара абвінавачвае ў арганізацыі бунту.
Раней прэм'ер-міністр Турцыі Бэналі Ілдырым заклікаў «ачысціць Турцыю ад прыхільнікаў Гюлена».
Цяпер чытаюць
Вядучы СТБ Раман Пратасевіч пабраўся шлюбам трэцім разам34
Каментары