На паседжаньні аргкамітэту Дня беларускай пісьменнасьці, якое кагадзе прайшло ў Барысаве пад старшынствам віцэ‑прэм’ера Аляксандра Касінца, быў адзначаны шэраг недахопаў.
На паседжаньні рэспубліканскага аргкамітэту па падрыхтоўцы й правядзеньні Дня беларускай пісьменнасьці, якое кагадзе прайшло ў Барысаве пад старшынствам віцэ‑прэм’ера Аляксандра Касінца, быў адзначаны шэраг недахоапаў і, перш за ўсё, павольныя тэмпы працы. Віце‑прэм’ер асабіста азнаёміўся з аб’ектамі гарадзкой інфраструктуры й застаўся незадаволены іхнім станам.
У прыватнасьці, на ягоную думку, вымагае працягу добраўпарадкаваньне тэрыторыі вакол гарадзкога стадыёну, недастаткова актыўна вядуцца рамонтныя працы ў цэнтральнай раённай бібліятэцы, няма архітэктурнай стратэгіі (!) ў зьнешнім афармленьні цэнтральнай плошчы, якое цяпер увасабляецца, а гэта будзе асноўнае месца правядзеньня ўрачыстасьцяў, паведамляе газэта «Мінская праўда».
Багата яшчэ належыць зрабіць, мяркуе Касінец, па добраўпарадкаваньні вуліц, сквэраў і паркаў гораду, зялёных зон і ўездаў у горад. На думку віцэ‑прэм’ера, адсутнасьць на вуліцах рэклямы, якая кажа пра правядзеньне ў Барысаве Дня беларускай пісьменнасьці, не спрыяе пад’ёму ў барысаўцаў пачуцьця патрыятызму.
Наколькі спрыяе пад’ёму гонару за беларускую пісьменнасьць тое, што ў горадзе, дзе жыве 150 тысяч чалавек, засталася ўсяго адна сярэдняя школа з 23, дзе выкладаньне шэрагу прадметаў вядзецца на беларускай мове, нічога не паведамляецца. Магчыма, старшыню рэспубліканскага арганізацыйнага камітэту па правядзеньні Дня беларускай пісьменнасьці гэта зусім не хвалюе…
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары