Праваахоўныя органы не каментуюць інфармацыю пра затрыманне кіраўніцтва IBA Group
Праваахоўныя органы пакуль не каментуюць інфармацыю аб затрыманні кіраўніцтва кампаніі IBA Group, адной з найстарэйшых беларускіх IT-кампаній.
«Я пакуль, на жаль, нічым не магу вам дапамагчы», — заявіла БелаПАН афіцыйны прадстаўнік Следчага камітэта Беларусі Юлія Ганчарова ў адказ на просьбу аб каментары.
Маўчыць пакуль і прэс-служба Камітэта дзяржбяспекі.
Інфармацыю пра затрыманне кіраўніцтва IBA Group першым распаўсюдзіў вечарам 16 жніўня партал tut.by са спасылкай на свае крыніцы. Паведамляецца, у прыватнасці, што ў поле зроку сілавікоў трапілі старшыня праўлення IBA Group, гендырэктар кампаніі IBA Minsk Сяргей Ляўцееў і член праўлення, першы намеснік старшыні праўлення IBA Group, дырэктар па распрацоўцы праграмнага забеспячэння, гендырэктар IBA IT Park Сяргей Акуліч. Апошні нібыта быў затрыманы тыдзень таму. Паводле наяўнай інфармацыі, кіраўнікамі IT-кампаніі праваахоўныя органы зацікавіліся пасля нядаўняга затрымання выканаўчага дырэктара «Беларусбанка» Анатоля Багавіка і гендырэктара Банкаўскага працэсінгавага цэнтра Генадзя Зубарава з-за «пераводу сродкаў у наяўныя і адкатаў».
***
IBA Group — міжнародны холдынг, адзін з найбуйнейшых сістэмных інтэгратараў, распрацоўшчыкаў, вытворцаў і пастаўшчыкоў інфармацыйных тэхналогій у Цэнтральнай і Усходняй Еўропе.
Цяпер чытаюць
Telegram выдаліў свой афіцыйны беларускі канал — верагодна, каб не падстаўляць людзей. Але многія паспелі падставіцца7
Каментары