Праз некалькі месяцаў Беларусь можа стаць бязвізавай для грамадзян 80 краін
Праз некалькі месяцаў Беларусь можа стаць бязвізавай для грамадзян 80 краін. Гаворка ідзе пра адмену віз для турыстаў, якія прыбываюць праз аэрапорт «Мінск». Пра гэта на сумесным пасяджэнні калегій Мінспорту і Мінпрыроды расказаў намеснік міністра спорту і турызму Міхаіл Партной.
Паводле яго слоў, на дадзены момант дакумент знаходзіцца ў Савеце міністраў. У ім гаворыцца аб магчымасці ўезду ў Беларусь без віз для грамадзян краін, якія не маюць праблем у сферы міграцыйнай палітыкі. Таксама важна адзначыць, што калі дакумент будзе прыняты, то без візы ў Беларусь можна будзе трапіць толькі паветраным транспартам, праз аэрапорт «Мінск». Без візы знаходзіцца на тэрыторыі Беларусі такія турысты змогуць на працягу 5 сутак.
«Адна з перашкодаў развіцця турызму — візавы рэжым. Праца ідзе фрагментамі — адмененыя візы для наведвання Белавежскай пушчы, днямі быў падпісаны аналагічны указ аб Аўгустоўскім канале. Бязвізавы рэжым ужо працуе для грамадзян Ізраіля, Катара, ААЭ і Кітая. Гэта невялікія фрагменты, на якіх адпрацоўваецца сістэма. Цяпер у Савеце міністраў ляжыць праект дакумента, дзе разглядаецца магчымасць адмены віз для грамадзян 80 краін, паспяховых з пункту гледжання міграцыйнай палітыкі. Я спадзяюся, на працягу некалькіх месяцаў гэты дакумент будзе падпісаны», — цытуе словы Міхаіла Партнога сайт traveling.by.
Цяпер чытаюць
Што вядома пра затрыманых радыёаматараў, якім пагражае аж да расстрэлу2
Каментары