Польшча можа атрымаць новы танк: Т-72, максімальна набліжаны да нямецкага «Леапарда»
27 жніўня польскі тэлеканал TVР1 у перадачы «Наша армія» паказаў навінкі ўзбраенняў, якія прадэманструе кампанія Polska Grupa Zbrojeniowa SA на Міжнароднай выставе вайсковай прамысловасці ў Кельцах, што стартуе на гэтым тыдні, піша dziennikzbrojny.pl.
Сярод іншага быў паказаны дэманстратар (канцэпт-макет) танка PT-16 — мадэрнізаванай версіі польскага танка РТ-91, які сам з'яўляецца польскай мадэрнізацыяй савецкага Т-72.
Танк будзе максімальна выкарыстоўваць камплектуючыя польскай вытворчасці.
Згодна з інфармацыяй, танк павялічыць сваю агнявую моц, манеўранасць і ўзровень абароны. Савецкую пушку плануецца замяніць на пушку 120мм, якая зможа выкарыстоўваць баепрыпасы, уніфікаваныя паводле стандартаў НАТО. Пушка з аўтаматам зараджання распрацаваная польскім заводам Huta Stalowa Wola SA.
Браніраванне корпуса і вежы будзе ўзмоцненае бронепанэлямі таксама польскай распрацоўкі. Уведзеная новая сістэма кіравання агнём, на вежы — дыстанцыйна кіраваная турэль з кулямётам калібра 7,62 ці 12,7 мм. Таксама мяркуецца паставіць новы рухавік.
Міністэрства абароны Польшчы раней заяўляла, што не плануе мадэрнізацыю танкаў РТ-91, бо вырашана цалкам іх замяняць на нямецкія Leopard 2, аднак польскія кампаніі спадзяюцца зацікавіць сваім праектам вайскоўцаў.
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую8
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6767
Каментары