Украінская разведка 28 кастрычніка заявіла, што расейская авіяцыя адпрацоўвала ў паветранай прасторы Беларусі нанясенне авіяўдараў па аб'ектах Украіны. Але ў Мінабароны Беларусі нагадалі аб правядзенні маштабных вучэнняў Аб'яднанай сістэмы супрацьпаветранай абароны СНД.
«26 кастрычніка, выкарыстоўваючы абавязкі Рэспублікі Беларусь у рамках саюзнай дзяржавы, расійскімі баявымі самалётамі ў паветранай прасторы Беларусі адпрацавана пытанне ўмоўнага нанясення масіраваных авіяцыйных удараў па стратэгічных аб'ектах на тэрыторыі Украіны», — заявіў падчас брыфінгу прадстаўнік Галоўнага ўпраўлення разведкі Міністэрства абароны Украіны Вадзім Скібіцкі, перадае 112.ua.
Паводле яго слоў, былі заўважаныя самалёты А-50У, Ту-160, Ту-22М3 і Су-34, якія выконвалі палёты ўздоўж дзяржаўнай мяжы Украіны і ўмоўна ажыццяўлялі пускі ракет.
У Мінабароны Беларусі нагадалі, што раней паведамлялася пра правядзенне маштабных вучэнняў сістэмы супрацьпаветранай абароны (СПА) СНД.
26 кастрычніка пачаліся вучэнні і прайшла трэніроўка з удзелам дзяжурных сіл СПА Арменіі, Беларусі, Казахстана, Кыргызстана, Расіі, Таджыкістана і Узбекістана.
Манеўры праходзяць у паветранай прасторы Расіі, Беларусі, Казахстана і Арменіі. Адпрацоўваюцца дзеянні дзяжурных сіл СПА супраць паветраных судоў, якія парушаюць межы краін СНД, у выпадку згону паветраных судоў, пры аказанні дапамогі экіпажам самалётаў і верталётаў, якія церпяць бедства.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады6
Каментары