Сёньня Нацыянальны банк уводзіць у абарачэньне памятныя манеты «Навасельле» з сэрыі «Сямейныя традыцыі славянаў».
Гэта срэбныя й медна‑нікелевыя круглякі наміналам 20 рублёў і 1 рубель адпаведна.
На пярэднім баку манэтаў выяўленыя: у версе — цяперашні гэрб РБ, а ў цэнтры — кот, які ўзвышаецца на паўкруглай дэкаратыўнай кампазыцыі (вобраз зямлі‑карміцелькі).
Кампазыцыя ўлучае сымбалі сонца, агню «Жыжаля» ды хатняга агменю. Пазначаны год выпуску, намінал і — на срэбнай манэце — проба сплаву.
На адваротным баку манэтаў ‑‑ атрыбуты дома: фрагмэнт сьцяны з вакном, над папярочкай якога, як сымбаль адкрыцьця дома, закампанаваны ключы.
Шалёўка вакна прадстаўлена ў выглядзе кампазыцыі з арнамэнтаў‑сымбаляў, зьвязаных па сэньсе з атрыбутамі навасельля.
Ваканіцы й фіранкі расчынены, што быццам бы сьведчыць пра гасьціннасьць ды ўтульнасьць.
У ніжняй частцы манэтаў напісана: «НАВАСЕЛЛЕ»
Каментары