Міжнародная арганізацыя крымінальнай паліцыі (Інтэрпал) адклала рашэнне аб сяброўстве Палестынскай аўтаноміі, Косава і Саламонавых выспаў, піша ВВС.
«Усе бягучыя і будучыя заяўкі аб сяброўстве, у тым ліку ад Рэспублікі Косава, Палестынскай дзяржавы і Саламонавых выспаў былі прыпыненыя», — гаворыцца ў заяве арганізацыі.
Інтэрпал прызначыў дарадцу, які павінен будзе разглядаць заяўкі на ўступленне ў арганізацыю, яго даклад будзе прадстаўлены на пасяджэнні генасамблеі Інтэрпала ў Пекіне ў наступным годзе.
Ізраільскія ўлады заявілі, што заяўка Палестынскай аўтаноміі на ўступленне ў арганізацыю была спробай палітызаваць Інтэрпал.
«Ізраільскае міністэрства замежных спраў разам з ізраільскай паліцыяй […] прыцягнула міжнародную падтрымку, каб сарваць палестынскую ініцыятыву», — гаворыцца ў сумеснай заяве ведамстваў.
У цяперашні час да Інтэрпала, створанага для аб'яднання намаганняў праваахоўных органаў розных дзяржаў, далучыліся 190 краін.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе19
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары