Міністр аховы здароўя Бельгіі Магі Дэ Блок заявіла, што ўлады каралеўства афіцыйна прызнаюць «прафесійнае выгаранне» захворваннем, паведамляюць інфармагенцтвы са спасылкай на тэлеканал VRT.
«Мы прызнаем яго захворваннем, звязаным з працай, што дазволіць нам прыняць меры па яго прафілактыцы на працоўным месцы», — сказала яна.
Удакладняецца, што, калі «выгаранне» будзе прызнанае захворваннем, звязаным з працоўнай дзейнасцю, гэта дазволіць да 70% павысіць суму кампенсацыі на медыцынскія выдаткі ад страхавой кампаніі.
Акрамя таго, адзначаецца, што ў Бельгіі «прафесійнае выгаранне» прымушае звяртацца па медыцынскую дапамогу да 10 тысяч чалавек штогод.
Прафесійнае выгаранне — гэта сіндром, які развіваецца на фоне хранічнага стрэсу і вядзе да вычарпаня эмацыйна-энергетычных і асобасных рэсурсаў працуючага чалавека.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда34
Каментары