«Воплі Відаплясава» вязуць у Мінск песні па-беларуску: чытачам «НН» — зніжкі на квіткі і магчымасць атрымаць падарунак ад Алега Скрыпкі
11 лютага, Prime Hall (пр.Пераможцаў, 65, ГЦ «Замак»). Пачатак а 19:00.
У лютым у Мінску будзе горача! Легендарныя ўкраінскія рок-музыкі «Воплі Відаплясава» з Алегам Скрыпкам, пасля канцэртных аншлагаў у Лондане, Парыжы і Дубліне, сыграюць канцэрт у Мінску.
Будуць найлепшыя хіты: «Весна», «День народження», «Галя», «Танці». А яшчэ Алег Скрыпка рыхтуе для сваіх фанатаў музычныя сюрпрызы на беларускай мове і некалькі эксклюзіўных кампазіцый з новага альбома «ВВ».
«Мы заўжды з радасцю чакаем сустрэчы з беларускімі братамі. Украіна шануе падтрымку і сяброўства Беларусі.
ВВ чакае беларускіх сяброў у Prime Hall 11 лютага!» — кажа Алег Скрыпка.
Напярэдадні мінскага канцэрта «Воплі Відаплясава» абвяшчаюць конкурс для чытачоў «Нашай Нівы» — пішыце ў каментары пад артыкулам пытанні да гурту, аўтар найлепшага атрымае запрашэнне на meet&greet з «Воплямі».
Meet&greet — гэта адначасова і сустрэча з фанатамі, і аўтограф-сесія, і магчымасць сфатаграфавацца з кумірамі.
Трапіць на сустрэчу з гуртом — а яшчэ і атрымаць ад Алега Скрыпкі фірмовую кашулю! —можна і яшчэ адным спосабам: праз удзел у інтэрактыўным конкурсе.
Умовы наступныя:
Размяшчаеце ў сацсетках свае фота альбо сэлфі, прысвечаныя творчасці ВВ альбо зробленыя ў тэматыцы ці стылі ВВ
Дадаеце хэштэг #nn_vopli_msq.
Актыўна заклікаеце сяброў лайкаць свой пост.
Пераможцамі будуць тыя, хто набярэ большую колькасць лайкаў. Дзясятка найлепшых будзе запрошаная на meet&greet з гуртом, а абсалютны пераможца атрымае суперпрыз персанальна ад Скрыпкі.
Яшчэ адзін спецпрыз — для ўсіх чытачоў «НН» — зніжка на білеты! Каб яе атрымаць, трэба, зарэгістраваўшыся на сайце білетнага аператара ticketpro.by, перайсці па гэтай спасылцы, абраць упадабаны білет і, націснуўшы кнопку справа ад цаны, пабачыць варыянт са зніжкай «Наша Ніва прома». У акенцы промакод увесці: NNVOPLI. У акенцы справа ад цаны трэба пазначыць колькасць білетаў, якія Вы набываеце, і націснуць «Дадаць у кошык». Далей — справа тэхнікі:)
Каментары