Прынамсі 37 чалавек, у тым ліку 27 паліцэйскіх, загінулі ў выніку двух выбухаў побач з футбольным стадыёнам Vodafone Arena ў стамбульскім раёне Бешыкташ. Яшчэ 166 чалавек атрымалі раненні.
Міністр унутраных спраў Сулейман Сойлу паведаміў, што мэтай нападу былі паліцыянты. Паводле яго слоў, ужо затрыманыя 10 падазраваных у арганізацыі выбухаў.
Арганізатары тэракту хацелі, каб ахвяр было як мага больш, гаворыцца ў заяве прэзідэнта краіны Рэджэпа Таіпа Эрдагана.
Вечарам 11 снежня побач з хатнім стадыёнам футбольнай каманды «Бешыкташ» выбухнула машына, начыненая выбухоўкай.
Выбух адбыўся праз дзве гадзіны пасля заканчэння матчу «Бешыкташа» з «Бурсаспорам» ў тым месцы, дзе са стадыёна выходзілі фанаты «Бурсаспора».
Пазней стала вядома, што другі выбух прагрымеў у бліжэйшым парку, яго ажыццявіў смяротнік.
Паводле звестак МУС, выбуховая прылада ў замініраванным аўтамабілі была прыведзена ў дзеянне з дапамогай дыстанцыйнага кіравання.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары