У беларускую амбасаду ў Маскве звярнуўся па дапамогу сталы чалавек — у бруднай куртцы, але белай кашулі і прыстойным касцюме. Ён папрасіў паесці і патлумачыў, што прыехаў з Бешанковічаў, піша «Савецкая Беларусія».
«Шэсць дзён таму мы з жонкай прыехалі да дачкі на вяселле, я ў такім вялікім горадзе ніколі не быў, — распавёў наведнік. — Калі госці гулялі каля нейкага помніка, адышоў у іншы бок і неяк не адразу знайшоў дарогу назад. Вярнуўся - там ужо іншае вяселле стаіць. Пачаў кідацца туды-сюды і зусім заблукаў. А выйшаў з машыны без тэлефона, без капейкі грошай, добра яшчэ, што куртку накінуў. І маскоўскага адраса дачкі не ведаю».
Яму спачатку не надта паверылі. Але пасля работнік пасольства ўзгадаў, што днямі ў консульскі аддзел прыйшоў электронны зварот ад жанчыны — яна прыехала на вяселле дачкі і ў дзень рэгістрацыі мама страціла пашпарт.
Як высветлілася, гаротнік з Бешанковічаў «згубіўся» разам з двума пашпартамі — і сваім, і жончыным.
Гісторыя скончылася шчасліва — сям’я ўз’ядналася.
Цяпер чытаюць
Сталі вядомыя падрабязнасці пра трагедыю ў Полацкім манастыры18
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары