Мінскі фатограф зрабіў ГАРАЧЫЯ ФОТЫ дзяўчыны з кнігай Караткевіча 18+
Пару дзён таму ў інстаграме мінскага фатографа Сяргея Макшуна з'явілася фота дзяўчыны, каля якой стаяў пакунак з кнігай Уладзіміра Караткевіча «Каласы пад сярпом тваім».
«Гісторыя пра тое, як юная прыгажуня захапілася чытаннем кнігі. Вам цікава, ці дачытае яна яе да канца?», — спытаўся ён і выклаў вялікую эратычную фотасесію, якая хутка разляцелася па беларускім інтэрнэце.
Глядзіце самі.
Як патлумачыў фатограф «Нашай Ніве», ён вырашыў згуляць на кантрастах: маўляў, вось сэксуальная дзяўчына, і вось яна чытае сур'ёзную кнігу.
«Што да выбару твора, то я не скажу, што ўсё гэта задумвалася як рэклама менавіта беларускай літаратуры ці Караткевіча. Проста кніжка прыгожая, мне яе падарылі нядаўна, мне спадабалася, і я падумаў «трэба ўзяць». Гэта элемент, галоўная тут дзяўчына, якая глядзіць не ў тэлефон, а ў кнігу», — дадаў Сяргей.
Таксама фатограф сказаў, што калі грамадства добра ацэніць ідэю, то могуць з'явіцца серыі і з іншымі беларускімі кнігамі.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары