Сэрвіс струменевага прайгравання музыкі Spotify прапанаваў Бараку Абаму працу, пасля таго як 20 студзеня ён пакіне пасаду прэзідэнта ЗША, піша ВВС.
На сайце Spotify з'явілася новая вакансія President of Playlists. У аб'яве сказана, што суіскальнік павінен будзе адсочваць складанне плэйлістоў, кантралюючы працу офісаў сэрвісу ў больш чым 60 краінах. Кампанія «заўсёды адкрытая для пераменаў», гаворыцца ў прапанове аб працаўладкаванні.
Сярод задач, які павінен будзе выконваць «прэзідэнт плэй-лістоў», значыцца забеспячэнне сусветнага лідарства, пошук новых ідэй. У якасці варыянту — уключэнне ў плэйліст звароту да нацыі ў сувязі з заканадаўствам аб ахове здароўя, «якое носіць ваша імя».
У якасці патрабавання да кандыдата вылучаецца «па меншай меры васьмігадовы досвед кіравання паважанай нацыяй» і наяўнасць Нобелеўскай прэміі міру.
Наўпрост імя Абамы ў аб'яве не называецца. Каб пераканацца, што адрасат убачыў прапанову, сузаснавальнік і выканаўчы дырэктар Spotify Даніэль Эк напісаў твіт Абаму.
Дзейны прэзідэнт ЗША на яго пакуль не адказаў, піша Асашыэйтэд прэс.
Абама, працуючы прэзідэнтам, публікаваў свой летні плэйліст на Spotify. У 2016 годзе ў ім аказаліся кампазіцыі Сімон, Стынга, Беёнсэ, Боба Марлі і Джэй-Зі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары