Адказнасць за забойства камандзіра прарасійскіх сепаратыстаў Міхаіла Талстых (Гіві) узялі на сябе байцы з батальёна «Самалі», якія ваявалі ў Данбасе пад яго кіраўніцтвам. Гэта сцвярджае расійская «Новая газета».
У рэдакцыю газеты звярнуўся чалавек, які прадставіўся грамадзянінам РФ Ігарам Мыльцавым з пазыўным «Француз». Ён распавёў, што разам з трыма саслужыўцамі спланаваў і ажыццявіў забойства Гіві ў адплату за здраду падчас баёў пад Аўдзееўкай у студзені 2017 года.
Па сцвярджэнні Мыльцава, падчас баёў Талстых, баючыся за сваё жыццё, употай стрэліў сабе ў нагу. Калі яго павезлі з поля бою, ён нібыта загадаў адкрыць агонь па сваіх.
«Проста так сысці ён не мог, гэта дэзерцірства, пазіцыю кінуць ён не мог ніяк, гэта загад Захара [кіраўніка самаабвешчанай ДНР Аляксандра Захарчанкі] стаяць да канца! Яго пацягнулі медыкі, а праз паўтары гадзіны нас накрыла свая ж артылерыя», — распавёў Мыльцаў.
Падрабязнасцяў падрыхтоўкі замаху Мыльцаў не распавёў. Па яго словах, цяпер ён знаходзіцца ў ваколіцах Данецка.
«Я ў вышуку і паранены трохі, яшчэ тры чалавекі сышлі ў падполле. Захару цяпер ёсць, за што перажываць», — цытуе яго «Новая газета».
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў4
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары