У Даніі 70-гадоваму мужчыну з Капенгагена прад'явілі абвінавачванні па 346 эпізодах сэксуальных злачынстваў у адносінах да дзяцей, здзейсненых праз інтэрнэт. Пра гэта піша The Local.
Па дадзеных выдання, мужчына глядзеў анлайн на сваім камп'ютары, як у Філіпінах па яго замове гвалтавалі дзяцей, самым малодшым з якіх было па тры гады. У некаторых выпадках гвалт над дзецьмі здзяйснялі іх бацькі; у іншых дзяцей прымушалі да сэксуальных кантактаў адзін з адным.
Прадстаўнік аддзела паліцыі Даніі па барацьбе з кіберзлачынствамі заявіў журналістам, што не ведае іншых выпадкаў, калі аднаму чалавеку выстаўленыя абвінавачванні па такой вялікай колькасці эпізодаў.
Мужчына змешчаны пад варту. Судовы працэс пачнецца 28 лютага.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча12
Каментары