Палітоляг Аляксандар Фядута пра адмову Сяргея Гайдукевіча і ЛДПБ удзельнічаць у парлямэнцкіх выбарах.
Палітоляг Аляксандар Фядута пра адмову Сяргея Гайдукевіча і ЛДПБ удзельнічаць у парлямэнцкіх выбарах:
«Думаю, што гэтае рашэньне прынялі за Гайдукевіча. Гэта можа сьведчыць пра тое наколькі Гайдукевіч падрыхтаваны да дыялёгу з уладай. Доўгі час улада дазваляла Гайдукевічу быць дэпутатам парлямэнту, кандыдатам у прэзыдэнты. Гайдукевіч атрымаў ад гэтага шмат дывідэндаў, але ўлада ад гэтага не атрымала нічога. Навошта ёй гэта цяпер? Мяняюцца правілы палітычнай гульні. Лягічна ўзьнікае пытаньне, ці ўпісваецца ў гэтыя правілы паважаны Сяргей Васільевіч? Здаецца, што адмова ад удзелу ў выбарах і дае відавочны адказ на гэтае пытаньне.
Для ўсіх нас відавочна, што ў парлямэнт трапяць толькі тыя людзі, якіх прызначыць улада. І часам складваецца вельмі парадаксальная сытуацыя, калі тыя, каго хацелі б бачыць у палаце прадстаўнікоў, на выбары не ідуць, а тыя, каму месца ў сьпісе няма, наадварот, балятуюцца. Я думаю, што на некаторых акругах, прынамсі ў Менску, выбары адкрыта могуць быць сарваныя. Улада ж рыхтуе новую апазыцыю. Што праўда, пакуль незразумела ці яна будзе ў парлямэнце, ці па-за ім.
А скончыць я хачу старым савецкім анэкдотам. У хворага Іосіфа Бродзкага пытаюцца, чаму ён тут ляжыць і не актыўнічае. Вунь, кажуць, Еўтушэнка ўжо падтрымаў калгасы. «Калі Еўтушэнка за, значыць я — супраць», — адказаў Бродзкі. Так і ў нас сёньня. Калі Гайдукевіч за няўдзел, то гэта лішні довад для апазыцыі, каб не байкатаваць выбары».
-
«Не было б БНФ — не было б і сесіі. Не сабраліся б на яе камуністы». Навумчык рэзка адказаў «абвяргацелю» Цыганкову
-
«Лірыка пра тое, што 25 жніўня 1991 года нехта прыгожа выступіў, і ўсе памянялі свае погляды — гэта для мастацкага кіно»
-
Таццяна Заміроўская напісала, чаму яна прыходзіць у каменты да людзей, якія ставяць у сябе ў сацсетках пасты, напісаныя ШІ
Стала вядомая асоба рабочага «Беларуськалія», які загінуў пры абрушэнні горнай пароды1
Каментары