Заканадаўчы орган непрызнанай Прыднястроўскай малдаўскай рэспублікі прыняў у першым чытанні законапраект, які надзяляе расійскі трыкалор статусам другога дзяржаўнага сцяга. Пра гэта паведамляе агенцтва «Навіны Прыднястроўя».
Аўтары ініцыятывы мяркуюць, што прыняцце законапраекта дапаможа палепшыць адносіны паміж краінамі. «Дзяржаўны сцяг Расіі выклікае ў прыднястроўскага народа ўстойлівую асацыяцыю з расійскай дзяржавай, шматнацыянальным народам Расіі, часткай якога адчувае сябе шматнацыянальны народ Прыднястроўя, і такая асацыяцыя мае трывалую гістарычную аснову», — гаворыцца ў тлумачальнай запісцы да законапраекта.
У выпадку яго прыняцця расійскі трыкалор будзе выкарыстоўвацца разам з афіцыйным сцягам непрызнанай рэспублікі, ніяк не парушаючы яго статус. Аўтары ініцыятывы прапаноўваюць размяшчаць сцяг Расіі на будынках дзяржаўных органаў і органаў мясцовага самакіравання і выкарыстоўваць пры правядзенні афіцыйных мерапрыемстваў. Пры адначасовым узняцці прыднястроўскі сцяг будзе размяшчацца з левага боку будынка, а расійскі — з правага.
Падняцце двух сцягоў побач «будзе азначаць ўмацаванне прыднястроўскай дзяржаўнасці і адзначэнне новага этапу інтэграцыі ПМР з Расіяй», - упэўнены аўтары законапраекта.
-
Падчас бамбардзіровак Ірана амерыканцы не кранаюць маленькі востраў — галоўную нафтавую артэрыю. Чаму?
-
Цана Brent адкацілася да $90 за бараль на фоне абяцанняў Трампа хутка скончыць вайну супраць Ірана
-
Камандуючы элітнага іранскага спецназа працаваў на Ізраіль? Кажуць, ён саскочыў з сустрэчы ў Хаменеі за паўгадзіны да ўдару
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы2
Каментары