Над Беларусьсю гэтая зьява будзе назірацца часткова — гэтым разам Месяц «схавае» ад нас у сярэднім каля 43% Сонца. Найцямней у гэты дзень будзе на Віцебшчыне — тут цёмная зона складзе каля 49%.
Над Беларусьсю гэтая зьява будзе назірацца часткова — гэтым разам Месяц «схавае» ад нас у сярэднім каля 43% Сонца. Найцямней у гэты дзень будзе на Віцебшчыне — тут цёмная зона складзе каля 49%.
Агульная працягласьць сонечнага зацьменьня 1 жніўня 2008 г. складзе 4 з паловай гадзіны. Частковыя фазы пачнуцца ў 8 гадзінаў 4 хвіліны раніцы паводле сусьветнага часу на тэрыторыі Паўночнай Амэрыкі і скончыцца ў 12 гадзінаў 38 хвілінаў у акваторыі Індыйскага акіяну. На тэрыторыі Беларусі гэтая зьява будзе назірацца часткова, у нас сонечнае зацьменьне пачнецца ў 11:51. Гэтым разам Месяц «схавае» ад нас каля 40% Сонца.
Цалкам гэтую зьяву можна будзе назіраць у рэжыме on-line у Сеціве. Напрыклад, на сайце NASA.
Усім ахвочым паназіраць за гэтай рэдкай зьявай варта памятаць пра небясьпеку, што хавае ў сабе назіраньне за Сонцам неабароненымі вачыма. Асабліва гэта датычыць тых, хто зьбіраецца адсочваць будучае зацьменьне з дапамогай аптычных прыладаў. Каб засьцерагчы вочы ад немінучай траўмы трэба абсталяваць свае біноклі і аб’ектывы фотаапаратаў цёмным сьветлафільтрам. Простым аматарам варта паклапаціцца пра кавалак зацемненага шкла.
Адмыслоўцы сьцьвярджаюць, што зацьменьні Сонца — поўныя, ці частковыя, не ўплываюць на стан здароўя чалавека, а таксама на дзейнасьць радыё- і сотавай сувязі.
Першымі сонечнае зацьменьне сёлета пабачаць гарадзенцы. Тут яно пачнецца ў 11:51), дасягне максымуму ў 12:52 і скончыцца ў 13:53. Пры гэтым сонечны дыск схаваецца на 40%.
Берасьце — пачатак у11:54, максымум — 12:53, канец — 13:52, цёмная зона складзе 36%.
Віцебск — пачатак у 11:55, максымум — 13:00, канец — 14:03, цёмная зона — 49%.
Гомель — пачатак у 12:00, максымум —13:04, канец — 14:06, цёмная зона — 44%.
Менск — пачатак у 11:54, максымум —12:57, канец — 13:53, цёмная зона — 44%
Магілёў — пачатак у 11:57, максымум — 13:01, канец — 14:04, цёмная зона — 47%.
Апошні раз жыхары Беларусі маглі назіраць сонечнае зацьменьне 29 сакавіка 2006 г. Яно таксама было частковым (0,6 ад паверхні Сонца) і працягвалася з 13.01 да 15.08.
СП, паводле s13.ru
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары