«Яшчэ былі пытаньні ці чуў я што-небудзь пра выбух у нейкім мястэчку Н. і пра знаходку ў Горадні гранатамёту ў 2006 годзе», – кажа А.Зарамбюк.
Сёньня ў шчучынскім міжрэгіянальным аддзеле КДБ адбыўся допыт актывіста апазыцыі з Мастоў Алеся Зарамбюка.
Сьледчага КДБ Івана С. цікавіла, дзе знаходзіўся Алесь 3 ліпеня, у ноч на 4 ліпеня, а таксама ўдзень 4 ліпеня. І ці ёсьць сьведкі, якія могуць гэта пацьвердзіць. «Ён пытаўся, калі да выбуху апошні раз быў у Менску і зь якіх мэтаў. Ці ведаю я кагосьці, хто ўмее рабіць выбухоўку, ці служыў я ў войску. Яшчэ былі пытаньні ці чуў я што-небудзь пра выбух у нейкім мястэчку Н. і пра знаходку ў Горадні гранатамёту ў 2006 годзе. Чэкісты вялі сябе досыць карэктна», – кажа А. Зарамбюк.
Апытаньне працягвалася каля гадзіны. Напрыканцы Алесю Зарамбюку прапанавалі зьняць адбіткі пальцаў, але хлопец адмовіўся.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары