Блогахостынг LiveJournal 4 красавіка ўвёў новае пагадненне карыстальніка. Каб працягнуць карыстацца сэрвісам, блогеры павінны яго прыняць, піша Медуза.
У пагадненні з'явілася забарона на размяшчэнне палітычнай агітацыі ў блогах. У пункце 9.2.7 гаворыцца, што нельга «размяшчаць рэкламу і/ці палітычную агітацыю, калі іншае спецыяльна не ўстаноўлена асобным пагадненнем паміж карыстальнікам і адміністрацыяй».
Пры гэтым, відаць, забарона не распаўсюджваецца на непалітычную рэкламу: у пункце 12.4 згадваецца «размяшчэнне карыстальнікам <…> кантэнту рэкламнага характару» без указання таго, што гэта парушае правілы.
Па новым пагадненні карыстальнікі не могуць рэгістравацца ад імя іншай асобы і «ўводзіць карыстальнікаў у зман адносна сваей асобы, або сваіх адносін з іншымі асобамі». Адказнасць за каментары нясуць і аўтар каментара, і аўтар дзённіка, у якім ён быў размешчаны.
Таксама дакумент забараняе рэгістравацца асобам малодшым за 14 гадоў і папярэджвае, што блогі з аўдыторыяй больш за тры тысячы карыстальнікаў у суткі падпадаюць пад патрабаванні «закона аб блогерах». Калі дзённік быў неактыўны паўгода, яго могуць выдаліць, гаворыцца ў пагадненні.
Адміністрацыя ЖЖ анансавала змены так: «У палітыцы «Жывога Журнала» ў частцы вядзення блогаў, а таксама прыватнасці і захаванасці даных карыстальнікаў прынцыповых змяненняў не адбылося». Ніякіх падрабязнасцяў аб забароне на палітычную рэкламу і іншых палажэннях пагаднення ў анонсе не прыводзіцца.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары