Мазырскія ўлады плануюць здаваць участак Прыпяці ў арэнду для камерцыйнага рыбалоўства
Больш за 90 кіламетраў Прыпяці з прылеглымі поймавымі вадаёмамі ў Мазырскім раёне неўзабаве маюць здаць у арэнду для прамысловага і платнага аматарскага рыбалоўства.
«Мусіць быць яно здабыткам народу і ўсім адпачываць аднолькава і правільна, а хтосьці з гэтага хоча грошы мець. Як гэта разумець? Мы лічым, што гэта не правільна», — кажа мясцовы жыхар.
Перадаць у арэнду частку Прыпяці пастанавілі на падставе 508-га Указу кіраўніка краіны, скіраванага на павышэнне эфектыўнасці вядзення гаспадаркі і рыбагаспадарчае дзейнасці. У Мазырскім райвыканкаме запэўніваюць, што такі крок не паўплывае на магчымасць адпачываць на рацэ. Што да рыбалкі — нібыта для мясцовых яна мусіць застацца бясплатная па ўсёй тэрыторыі, а адцінку 13 кіламетраў у межах Мазыра здаваць у арэнду не будуць.
«Да там роў і плот, калючы дрот. Куды вы пойдзеце рыбачыць, скажыце?», — даводзіць сваю праўду мужчына.
Мясцовыя жыхары не вераць, што рыбалка будзе бясплатнай. Лавіць рыбу за грошы не кожны можа сабе дазволіць. Да таго ж экалагічныя актывісты адзначаюць, што прамыслова лавіць рыбу тут нельга. Тры гады таму Прыпяць ужо пацярпела ад арэнды: колькасць рыбы значна зменшылася. Мазырчукі збіраюць подпісы за адмену перадачы ракі ў арэнду.
Ці спраўдзяцца асцярогі, будзе вядома неўзабаве. Таргі на права арэнды ракі адбудуцца 22 мая. Стартавая цана Прыпяці пакуль складае крыху больш за 2 тысячы рублёў.
Побач з Лукашэнкам на хакеі з'явілася новая прыгажуня10
Каментары