Адно з найстарэйшых гандлёвых прадпрыемстваў Мінска, універсам «Цэнтральны», абвясціла аб выпуску валютных працэнтных аблігацый на 1 млн даляраў.
З 18 мая каштоўныя паперы можна набыць як фізічным, так і юрыдычным асобам па цане $1000. Працэнтная стаўка па аблігацыях складзе 6,5% гадавых. Перыяд выплаты даходу — 1 раз на год. Датэрміновы выкуп — 1 раз на год. Выпускае аблігацыі «АСБ Беларусбанк», гаворыцца ў паведамленні ЗАТ «Універсам «Цэнтральны».
Кампанія плануе выпусціць аблігацыі ў звароце на 10 гадоў. Асноўная мэта прыцягнення сродкаў — правядзенне рамонту будынка ўніверсама і поўная замена гандлёвага абсталявання, што дазволіць павысіць яго прывабнасць для пакупнікоў, пашырыць асартымент і павялічыць выручку, гаворыцца ў прэс-рэлізе.
«Цэнтральны» з'яўляецца закрытым акцыянерным таварыствам, у якога каля ста пяцідзесяці акцыянераў, гэта фізічныя і юрыдычныя асобы, у тым ліку у склад акцыянераў уваходзяць дзейныя і былыя супрацоўнікі ўніверсама. Раней у ліку найбуйнейшых акцыянераў называліся структуры, звязаныя з сям'ёй Івана Беразоўскага.
Ва ўніверсаме «Цэнтральны» працуюць каля 250 чалавек. Прыбытак кампаніі ў 2015 годзе склаў 352 тыс. рублёў, у 2016 — 528 тыс. рублёў. У найбліжэйшыя гады кампанія мае намер павялічыць штогадовы чысты прыбытак да +20% да ўзроўню 2016 года. Кароткатэрміновая крэдыторская запазычанасць на 1 студзеня 2017 года складала амаль 1,5 млн рублёў, пратэрмінаванай запазычанасці няма, гаворыцца ў прэс-рэлізе.
Як вынікае з праспекта эмісіі, даручальнікамі па аблігацыях выступаюць кампаніі «Парытэт Партнёр» і «Парытэт Партнёр Поўдзень». Кампаніі спецыялізуюцца ў здачы ўнаём нерухомасці. У «Парытэт Партнёры» 98,75% долі належыць «НП-Сэрвіс», аднаму з найбуйнейшых дыстрыб'ютараў прадуктаў харчавання ў Беларусі, які кантралююць Іван і Святлана Беразоўскія.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары