Каля тысячы чалавек атрымалі раненні ў Турыне ў ноч на нядзелю, пасля таго як прагляд футбольнага матчу скончыўся цісканінай, перадае ВВС.
Некалькі тысяч заўзятараў назіралі на плошчы Сан-Карла за простым эфірам фіналу Лігі чэмпіёнаў: «Ювентус» гуляў супраць «Рэала» у Кардыфе.
Незадоўга да канца матчу (да заканчэння другога тайма заставалася каля 10 хвілін) пачуліся некалькі гучных хлапкоў - мяркуючы па ўсім, хтосьці з заўзятараў падарваў петарды, - і ў натоўпе пачалася паніка.
Людзі рынуліся з цэнтра плошчы Сан-Карла, аточанай паліцэйскімі бар'ерамі, да якіх прыціснула гледачоў, што стаялі па перыметры.
Па меншай меры два чалавекі, атрымалі сур'ёзныя траўмы, у тым ліку сямігадовы хлопчык - у яго пашкоджанні галавы і грудной клеткі.
Многія атрымалі раненні, калі павалілася агароджа перад уваходам на падземную паркоўку.
У некаторых балельшчыкаў «Ювентуса» інцыдэнт выклікаў балючыя ўспамінах аб катастрофе на стадыёне «Эйзел» у Брусэлі 1985 года, калі 39 фанатаў-італьянцаў загінулі, пасля таго як на іх абрынулася сцяна трыбуны перад фіналам Кубка Еўропы супраць «Ліверпуля».
35 маладых беларусаў і беларусак, за якімі варта сачыць: апублікаваны першы спіс Next 3532
Каментары