У выдавецтва «Лімарыус» выходзіць Збор твораў Уладзіміра Дубоўкі ў двух тамах. Гэта самае поўнае выданне напісанага выдатным пісьменнікам: вершы, паэмы, проза, артыкулы, лісты.
У збор твораў уключаны таксама пераклады, у тым ліку пераклады санетаў Уільяма Шэкспіра, якія ў свой час сталі значнай падзеяй у літаратурным жыцці Беларусі.
Уклаў Збор твораў Дубоўкі супрацоўнік Нацыянальнай біблятэкі Беларусі Дзмітрый Давідоўскі.
Каментары да твораў пісалі Давідоўскі і паэт, гісторык літаратуры, кандыдат філалагічных навук Віктар Жыбуль. Аўтар прадмовы — таксама паэт (а дакладней — паэтка) і кандыдат філалагічных навук Ірына Багдановіч.
Збор твораў Уладзіміра Дубоўкі выходзіць у серыі «Галасы Айчыны». Раней у гэтай серыі былі выдадзены двухтомнік Ларысы Геніюш, а таксама тамы паэтаў-эмігрантаў Алеся Салаўя, Уладзіміра Дудзіцкага і Янкі Юхнаўца.
Прэзэнтацыя Збору твораў Уладзіміра Дубоўкі адбудзецца 12 чэрвеня ў галерэі Tut.by (пр.Дзяржынскага, 57, 9-ты паверх). Гэта будынак бізнэс-цэнтру Omega Tower каля станцыі метро «Міхалова». Пачатак а 19-й.
Кніга выдадзена выключна для падпісчыкаў, але на прэзэнтацыю запрашаюцца ўсе ахвотныя. Будзе спяваць Алесь Камоцкі, будуць гучаць вершы Дубоўкі, выступяць цікавыя людзі, якія маюць дачыненне да выдання.
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары