Кіраўнік ЦРУ Майк Пампеа заявіў, што ў Расіі няма планаў пакінуць Сірыю, што яе ўдзел у вайне супраць «Ісламскай дзяржавы» мінімальны і што яна будзе працягваць умяшанне ў справы ЗША. Расійскі МЗС у адказ заявіў, што здзіўлены такімі выказваннямі, паведамляе ВВС.
З шэрагам заяваў, якія тычацца Расіі, Пампеа выступіў на форуме па бяспецы ў Аспене, штат Каларада — штогадовым мерапрыемстве з удзелам першых асоб краіны. Ён у чарговы раз заявіў, што лічыць, што Расія ўмешвалася ў выбары ў ЗША, і назваў адносіны дзвюх краін складанымі.
«Я думаю, у іх ёсць складанасці, але ў той жа час ёсць і карысныя для кожнага з бакоў моманты», — апісаў ён адносіны Расіі і ЗША.
Пампеа таксама заявіў, што амаль не ўбачыў доказаў таго, што Расія сапраўды мае ў Сірыі задачу барацьбы з баевікамі экстрэмісцкай арганізацыі «Ісламская дзяржава». Удзел Расіі ў вайне з ІД ён назваў «мінімальным».
На думку шэфа ЦРУ, Расія імкнецца застацца ў Сірыі толькі таму, што ёй падабаецца марскі порт Тартус з выхадам да Міжземнамор'я. Ён лічыць, што Расію пакуль нельга назваць саюзнікам ЗША ў Сірыі, але выказаў надзею на тое, што краіны ўсё ж змогуць аб'яднацца ў барацьбе з тэрарызмам.
Пампеа дадаў, што яму цяжка ўявіць стабільную Сірыю пры прэзідэнцтве Башара Асада. Ён назваў Асада «марыянеткай іранцаў», якія, як ён лічыць, трывала атабарыліся ў Сірыі.
Міністр замежных спраў Расіі Сяргей Лаўроў, каментуючы выказванні Пампеа, назваў іх выклікаюць здзіўленне. У адказ на словы кіраўніка ЦРУ аб жаданні Расіі атрымаць незамярзальны порт у Міжземным моры міністр сказаў, што чытаў аб наяўнасці ў ЗША дзесяці баз у Сірыі.
«Атрымліваецца, што спадар Пампеа хоча таго ж, што і мы ў Сірыі. Толькі ў некалькі разоў больш», — заявіў Лаўроў.
Ён дадаў, што заўсёды зыходзіў з таго, што ў Сірыі ў Расіі і ЗША агульныя інтарэсы, а менавіта барацьба з групоўкамі, якія прызнаныя тэрарыстычнымі, і мірнае ўрэгуляванне ўзброенага канфлікту ў краіне.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары