У сталіцы Афганістана Кабуле выбухнула аўто, якім кіраваў смяротнік.
Загінулі па меншай меры 30 чалавек, паведамілі Бі-бі-сі чыноўнікі.
Прынамсі 42 чалавекі параненыя. Чакаецца, што колькасць ахвяр можа ўзрасці.
Выбух ударыў па аўтобусе, які вёз чыноўнікаў з міністэрства нетраў.
Адказнасць за напад узяў на сябе Талібан. Па словах групоўкі, іх мішэнню былі прадстаўнікі выведкі.
Інцыдэнт адбыўся ў гадзіну пік.
У гэтым годзе ў Кабуле адбыўся шэраг смяротных нападаў, у якіх абвінавачваюць Талібан ці Ісламская дзяржава.
Рух Талібан адхілілі ад улады ў краіне ў 2001, але прызнаны міжнароднай супольнасцю ўрад кантралюе не ўсю тэрыторыю Афганістана.
Пасля вываду вайсковай місіі НАТА ў 2014 годзе, актыўнасць групоўкі ўзрасла.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне13
Каментары