26 кастрычніка ў Цэнтральным доме афіцэраў упершыню адбудзецца канцэрт камернага аркестра тэатра Джузэпэ Вердзі пад кіраўніцтвам дырыжора Фабрыцыа Фічура - свята для аматараў італьянскай і сусветнай класікі.
Аркестр тэатра Джузэпэ Вердзі ў Трыесце быў створаны ў 1944 годзе, а сваю цяперашнюю назву атрымаў у 1961. У Мінск прыедзе камерны склад аркестра - 15 чалавек на чале з Фабрыцыа Фічурам, адным з прызнаных італьянскіх спецыялістаў па музыцы барока. Ён жа з'яўляецца адным з галоўных прыхільнікаў пашырэння рэпертуару за кошт інтэрпрэтацыі ў стылі барока твораў кампазітараў 20 стагоддзя.
Падчас канцэрту прагучаць творы вялікіх Антоніа Вівальдзі, Джаакіна Расіні, Джакама Пучыні, Пятра Чайкоўскага, а таксама сучасных кампазітараў Астара П'яццолы, Бенджаміна Брытэна і Лероя Андэрсана.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары