Беларускія прадпрыемствы працягваюць больш актыўна звальняць супрацоўнікаў, чым наймаць новых. У чэрвені арганізацыі, паводле афіцыйнай статыстыкі, прынялі на працу 57 тысяч чалавек, а паказілі на дзверы на 4,1 тысячы, або 6,8%, большай колькасці, паведамляе tut.by.
Больш за ўсё сышлі ў мінус у адукацыі, дзе ў чэрвені звольнілі на 40,4% больш, чым узялі новых супрацоўнікаў. Зрэшты, гэта лагічна: на перыяд летніх канікул колькасць занятых у сферы адукацыі традыцыйна скарачаецца, вучыць-та няма каго.
Прадпрыемствы, якія аказваюць адміністрацыйныя і дапаможныя паслугі, звольнілі на 31,8% больш работнікаў, чым прынялі, а кампаніі, якія займаюцца фінансавай і страхавой дзейнасцю, — на 29,1% больш.
Затое больш актыўна бралі на працу, чым звальнялі, у такіх сферах, як ахова здароўя і сацыяльныя паслугі (4,4%), сельская, лясная і рыбная гаспадарка (+10,6%), прамысловасць (8%), паслугі па часовым пражыванні і харчаванні (+38,9%).
Беларускія прадпрыемствы звальняюць больш людзей, чым бяруць на працу, ужо восьмы месяц запар. Па звестках Міністэрства працы і сацыяльнай абароны, колькасць зарэгістраваных беспрацоўных на канец чэрвеня 2017 года склала 34,2 тысячы чалавек.
А ўсяго ў эканоміцы Беларусі ў чэрвені было занята 4344,8 тысячы чалавек.
Каментары