Рэдактар «Эха Масквы» пра Беларусь: Людзі з ХХ стагоддзя вырашаюць праблемы ХХІ стагоддзя метадамі стагоддзя ХІХ
Галоўны рэдактар «Эха Масквы» Аляксей Венядзіктаў праілюстраваў расійскія праблемы на беларускім прыкладзе.
— Людзі, якія цяпер пры ўладзе, — гэта людзі з XX стагоддзя, яны вырашаюць праблемы XXI стагоддзя метадамі XIX стагоддзя, — заявіў Венядзіктаў у інтэрв'ю парталу Znak.com. — Гэта ж добра відаць па Беларусі, дзе я нядаўна быў.
Прэзідэнт Лукашэнка з намі гаварыў пра журналістыку, што, маўляў, ідзе вайна дэзынфармацыі, маніпуляцыя. Значыць, што трэба? Забараніць, абмежаваць, перашкодзіць.
Я сказаў: прэзідэнт правільна ставіць дыягназ (так, ідзе хваля маніпуляцый), але цалкам няслушна прызначыў лячэнне. Гэта не дапаможа, гэта XIX стагоддзе, можа быць, першая палова XX. «Забараніць», «закрыць», «перашкодзіць» — гэта не працуе. На кароткім плячы можа спрацаваць, але агулам — не.
Каментары