На думку міністра нацыянальнай абароны Польшчы Антоні Мацярэвіча, Германія павінна выплаціць Польшчы ваенныя рэпарацыі за нанесеную матэрыяльную шкоду і злачынствы супраць польскага народа, учыненыя ў 1939-1945 гг., паведамляе Радыё Польшча.
У інтэрв'ю тэлеканалу TVPInfo міністр Мацярэвіч падкрэсліў, што польская дзяржава дэ-факта ніколі не адмовілася ад прэтэнзій на адрас Германіі, якая распачала 1 верасня 1939 года ваенную агрэсію супраць Польшчы, а затым на працягу амаль 5 гадоў акупавала польскія тэрыторыі.
«Гэта няпраўда, што польская дзяржава адмовілася ад належных ёй нямецкіх ваенных рэпарацый. Гэта савецкая калонія, названая Польскай Народнай Рэспублікай, адмовілася ад часткі рэпарацый, звязаных з таксама марыянеткавай дзяржавай пад назвай Германская Дэмакратычная Рэспубліка. Дарэчы, гэты акт ніколі не атрымаў фармальна-юрыдычнага афармлення, а хутчэй насіў палітычны і публіцыстычны характар», — адзначыў у эфіры польскага ТБ міністр нацыянальнай абароны.
Між тым, дэпутат ад кіруючай партыі Права і Справядлівасць Аркадыюш Мулярчык паведаміў, што Бюро юрыдычных аналізаў польскага Сейма ў бліжэйшыя дні апублікуе даклад міжнародна-прававых абгрунтаванняў магчымых афіцыйных прэтэнзій Польшчы ў адносінах да Германіі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары18
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары