ў прысутнасьці «прэзыдэнта» гэтай тэрыторыі.
ў прысутнасьці «прэзыдэнта» гэтай тэрыторыі.
Магамед Еўлоеў прыляцеў у Магас, сталіцу аўтаноміі, так здарылася, адным рэйсам зь яе «прэзыдэнтам», генэралам ФСБ Муратам Зязікавым. У аэрапорце Зязікава сустрэў картэж, а Еўлоева – група спэцназаўцаў. У часе затрыманьня распачалася страляніна, і Еўлоеў загінуў. Паводле афіцыйнае вэрсіі, спэцназаўцы адкрылі папераджальную стральбу па нагах, але выпадкова куля трапіла ў галаву. Распачатая крымінальная справа па факце «ненаўмыснага забойства».
Забіты – знаны бізнэсовец-інгуш – быў уласьнікам сайту Ингушетия.ру і нефармальным лідэрам апазыцыі Інгушэціі, што патрабуе больш павагі да мясцовых традыцый і правоў чалавека. На дзеячоў апазыцыі абрынуліся рэпрэсіі. Сайт быў забаронены, нібыта за экстрэмізм, а яго рэдактарка Роза Мальсагава вымушаная была прасіць палітычнага прытулку ў Францыі.
Афіцыйны прадстаўнік Еўлоева Магамед Хазьбіеў паведаміў, што стрэл быў проста ў скроню, і «дактары адразу сказалі, што шанцы выжыць нулявыя», – сказаў ён.
Інгушэція – адна з найбяднейшых тэрыторый Расеі. Перанеселеная, занядбаная, гістарычна пакрыўджаная – у часе этнічнай чысткі 1944 году частку інгускіх зямель аддалі палітычна адданым Расеі асяцінам – тэрыторыя ўяўляе сабою выбуховы кацёл. Яна мае ўсе шанцы на незалежнасьць на чарговым этапе распаду Расеі. У адрозьненьне ад Адыгеі, інгушы мяжуюць з патэнцыйна незалежнай Чачэніяй, у адрозьненьне ад тэрыторый Паволжа незрусіфікаванае карэннае насельніцтва складае тамака большасьць, у адрозьненьне ад Дагестану рэспубліка гамагенная.
Каб здушыць інгушаў, Пуцін скінуў аўтарытэтнага кіраўніка аўтаноміі Руслана Аўшава, замяніўшы яго сваім калегам з КГБ, і ўвёў рэжым тэрору. Мітынгі ў Назрані (найбольшы горад тэрыторыі) разганяліся збройна, у аўтаноміі дзейнічае антырасейскае ўзброенае падпольле.
Еўлоеў спрабаваў згуртаваць легальную апазыцыю, але Масква зрэагавала рэпрэсіямі і на гэта.
Апазіцыя Інгушэціі разглядае магчымасць звароту да сусветнай грамадскасці з просьбай аддзяліць рэспубліку ад Расіі. Пра гэта заявіў Хазьбіеў, які таксама ўзначальвае Аргкамітэт агульнанацыянальнага мітынгу пратэсту.
«Нам трэба прасіць Еўропу ці Амерыку, каб нас адлучылі ад Расіі», – сказаў ён у эфіры радыёстанцыі «Эхо Москвы». Ён дадаў, што інакш не «спыніць генацыду інгускага народу», які зьдзяйсьняе Крэмль.
Інгушы склікаюць агульнанацыянальны сход старэйшынаў, на якім маюць абмеркаваць свае далейшыя дзеяньні.
Цяпер чытаюць
Анжаліцы Мельнікавай выдалі пашпарт прыкрыцця на імя Ангеліны Радзівонавай?9
Каментары