Анатоль Антонаў прызначаны паслом Расіі ў ЗША. Указ аб гэтым падпісаў прэзідэнт РФ Уладзімір Пуцін, паведамляецца на сайце Крамля.
Як адзначаецца ў паведамленні, кіраўнік дзяржавы таксама вызваліў Антонава ад пасады намесніка міністра замежных спраў
На гэтай пасадзе ён зменіць Сяргея Кісляка, які займаў пасаду з 2008 года. Ён завяршыў сваю місію ў Вашынгтоне 22 ліпеня, а 21 жніўня быў фармальна вызвалены ад сваіх абавязкаў і зняты з пасады пастаяннага назіральніка Расіі пры Арганізацыі амерыканскіх дзяржаў у Вашынгтоне.
Цікава, што Анатоль Антонаў ад 2011 да 2016 займаў пасаду намесніка міністра абароны РФ. У сувязі з канфліктам ва Украіне і расійскай акупацыяй Крыма, ён быў унесены ў санкцыйныя спісы Еўрасаюза, Канады і Украіны.
А крыніца Бі-бі-сі называе яго класічным савецкім дыпламатам «грамыкаўскай школы».
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары