У сталічнай школе забаранілі набываць беларускамоўны дзённік. Бацька пратэстуе
«Нашай Ніве» стала вядома пра такі выпадак у школе №151 у Фрунзенскім раёне.
Як нам распавёў бацька навучэнца школы, усяму класу даручылі набыць дзённікі на рускай мове. Аднак высветлілася, што ў Мінску беларускамоўных прадаюць колькі хочаш, а вось рускамоўных няма зусім.
Калі бацькі прапанавалі настаўніцы набыць дзённікі на беларускай мове, тая катэгарычна запратэставала і нават паабяцала адшукаць іх самастойна, раз бацькі не змаглі.
«Вось гэтая сітуацыя мяне ўжо абурыла. Мы вырашылі, што прынцыпова будзем набываць дзённік па-беларуску», — сказаў нам суразмоўца.
Мы спрабавалі звязацца з адміністрацыяй школы, каб атрымаць каментар, аднак пакуль што безвынікова.
Дарэчы, сёлета ў гэтай школе планавалі адкрыць першы клас з беларускай мовай навучання, але заяў, па словах адміністрацыі, «не назбіралася».
Беларускамоўныя дзённікі для школьнікаў, рэкамендаваныя Міністэрствам адукацыі ВОКЛАДКІ
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну20
Каментары