Спроба дапамагчы дзецям набыць жыллё скончылася трагічна.
Сямейная пара са Жлобіна ўзяла крэдыт, каб дапамагчы дзецям пабудаваць кватэру. Спачатку сям'я з крэдытам спраўлялася, аднак пасля сітуацыя пагоршылася: плаціць з працэнтамі прыходзілася больш, чым сям'я зарабляла.
Сума банкаўскага крэдыту разам з працэнтамі перавысіла 120 мільёнаў старымі грашыма (12 тысяч новымі), паведамляе gomel.today са спасылкай на мясцовую газету «Новы дзень».
У выніку, знаходзячыся ў стане алкагольнага ап'янення, муж абліў сябе бензінам і падпаліў. Яго даставілі ў лякарню з апёкамі 80% цела, дактары некалькі дзён спрабавалі выратаваць яму жыццё, аднак спробы аказаліся няўдалымі — мужчына памёр.
Каментары