У лесе ў Харкаўскай вобласці знайшлі цела вядомага ўкраінскага нацыяналіста, аднаго з заснавальнікаў палка «Азоў» Віталя Княжаскага (пазыўны Вітус). Пра гэта на сваёй старонцы ў фэйсбуку паведаміў дэпутат Вярхоўнай Рады ад Радыкальнай партыі Ігар Масійчук.
«Кажуць, самагубства. Быццам Вітус застрэліўся са стрэльбы. Не магу паверыць, не ўкладаецца ў галаве!» — адзначыў парламентарый. Ён дадаў, што загінулы нарадзіўся ў 1980 годзе ў горадзе Ізюм Харкаўскай вобласці, быў жанаты, меў дачку.
Масійчук паведаміў, што Княжаскі быў актывістам арганізацыі «Патрыёт Украіны». «Вясной 2014 га прымаў актыўны ўдзел у барацьбе з сепаратызмам у Харкаве, дзе адзначыўся ў легендарным баі на Рымарскай вуліцы, пасля якога быў зноў арыштаваны (доўгі час знаходзіўся пад залогам і на маіх паруках), адзін са старшын першага складу батальёна «Азоў» (адказваў за ўзбраенне падраздзялення)», - сказаў ён.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі69
Каментары