Роля Сабчак? «Лаяць цара па загадзе цара, каб цар і далей заставаўся царом»
«Прадстаўніца Сабчак назвала жартам паведамленні пра яе планы змяніць прозвішча» — малаважнае, здавалася б, паведамленне. Тым не менш, дзяржаўнае расійскае агенцтва РІА «Навіны» трымае яго на сваім партале ў замацаваным найгалоўным увесь ранак чацвярга.
Паведамленні пра Ксенію Сабчак увесь час ідуць у топ навін дзяржаўных і кантраляваных СМІ ў Расіі. Пераважна гэта не палітычныя заявы, а свецкая хроніка.
Выяўны кантраст з гэтым: ніводзін тэлеканал, ніводзін вялікі партал не паведамляе нічога пра Аляксея Навальнага. Антыкарупцыйны блогер прыпячатаў «Адзіную Расію» мянушкай «партыя жулікаў і зладзеяў» і раскрыў інфармацыю аб шматлікіх палацах і царскім ладзе жыцця Уладзіміра Пуціна, Дзмітрыя Мядзведзева і іх атачэння. Гэтым Навальны заслужыў папулярнасць у расійскай апазіцыі. Каб забараніць яму балатавацца, улады сфабрыкавалі супраць яго крымінальную справу.
Роля дэкаратыўнага кандыдата ад лібералаў, адведзеная Ксеніі Сабчак, выклікае жарты ў незалежным грамадстве Расіі.
«Роля, якой лёс узнагародзіў Ксенію Сабчак, — гэта запаветная мара ўсякага расіяніна, — піша ў сябе ў фэйсбуку журналіст «Новой газеты» Максім Гаруноў. — Лаяць цара па загадзе цара, каб цар і далей заставаўся царом. І цару служыш, і душу ў лаянцы адводзіш, і ў Сібір не адправяць — вось гэта, дарагія мае, і называецца шанцаваннем касмічнага маштабу».
-
Фядута пра помнік Паскевічу ў Гомелі: Чыгуннай нагой стане на мяжы з Украінай, дэманструючы, што ўжо беларускую зямлю Пецярбург не аддасць
-
«Тэкст прысягі прагучаў тады двойчы». Статкевіч падзяліўся ўспамінамі пра прысягу беларускіх вайскоўцаў у 1992 годзе на Дзень бітвы пад Оршай
-
Баркоўскі: Часам узнікае жаданне папрасіць Еўракамісію скараціць датацыі на незалежныя медыя
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў12
Каментары